நூறு ரூபாய்

"பணம் வருமா வராதா?"
"இப்ப முடிவா என்ன சொல்றீங்க? "
"மேனேஜர் எங்கே? "
"அவனை வரசொல்லு".

ரெண்டு மணி நேரமாக இந்த சண்டை நடந்து கொண்டிருதந்து.
இடம்- நெல்லை புற வழிச்சாலை.
பேருந்து பெங்களூர் செல்ல வேண்டும்.
சண்டை போட்டவர்கள் எல்லாரும் வோல்வோ பேருந்திற்கு முன் பதிவு செய்திருந்தார்கள். ஆனால் வந்த வண்டி சாதாவண்டி.
எனவே பணத்தை திருப்பிக்கொடுக்க வேண்டுமென்று சண்டை.
நான் பேருந்தினுள் சென்று என் இருக்கையில் அமர்ந்தேன்.
கடைசி இருக்கை.
எப்படியும் அவர்கள் பணம் கொடுக்க போவதில்லை என்று எனக்கு அசாத்திய நம்பிக்கை.
டிவியில் படம் ஓடி கொண்டிருந்தது. நான் அதை பார்க்க ஆரம்பித்தேன்.
படமும் முடிந்து விட்டது.
ஒரு வழியாகஅனைவரும் பேருந்தில் ஏறினார்கள். எனது அடுத்த சீட்டில் ஒருவர் வந்து அமர்ந்தார். அவர் தான் முன்னால் நின்று சண்டை போட்டவர்.
நான் சண்டையின் முடிவைத் தெரிந்து கொள்ள விரும்பவில்லை.
சிறிது நேரத்தில் ஒருவர் பேருந்தில் உள்ள அனைவருக்கும் நூறு ரூபாயைத் திருப்பி வழங்க ஆரம்பித்தார்.
கடைசியாக இவருக்கும் நூறு ரூபாய் வந்தது.
இவர் என்னிடம் இருந்த டிக்கெட்டை வாங்கிப்பார்த்து அவனிடம் எனக்கும் நூறு ரூபாய் வங்கித் தந்தார்.
அதில் இருந்த காந்தி தாத்தா சிரித்துக்கொண்டிருந்தார்.